Titres de chapitres
- Type de publication : Chapitre d’ouvrage
- Ouvrage : Perceval le Galloys en prose (Paris, 1530). Chapitres 59-80
- Pages : 271 à 274
- Collection : Textes littéraires du Moyen Âge, n° 48
- Série : Mises en prose, n° 6
Titres de chapitres
Dans la table (colonne de gauche), je supprime les renvois aux feuillets et j’ajoute la numérotation des chapitres ; les fautes y sont indiquées entre parenthèses. Dans la colonne de droite, en revanche, je donne le texte critique.
[aa3ra] 59. Comment le roy Arthus delibera tenir sa court la plus sumptueuse que oncques mais avoit faict. |
[101vb] 59. Comment le roy Arthus prenoit son deduict és chasses des boys avec ses chevalliers et privéz et en retournant declara à Gauvain et aultres ses princes qu’il vouloit tenir court, la plus riche que il eust de son vivant tenue. |
60. Comment le roy Arthus, aprés qu’il fust parti du verger aux sepultures, envoia messire Gauvain sçavoir où il pouroit loger, et des merveilles que messire Gauvain vist qu’i raconta au roy Arthus. |
[105rb] 60. Comment le roy Arthus, aprés estre party du verger aux sepultures, envoya Gauvain pour chercher où ilz pourroient loger et repaistre ; et les merveilles que Gauvain trouva et annonça au roy Arthus, lequel y alla liement. |
61. Comment messire Gauvain pria son oncle partir du lieu où ilz estoient pour la crainte de Brandelis, ce qu’il ne voulust faire, dont luy en cuida advenir gros dommages. |
[109ra] 61. Comment Gauvain, nepveu du roy Arthus, aprés qu’il eust compté la verité à son oncle, luy pria que tost ilz departissent de ce lieu pour la craincte qu’il avoit que Brandelis ne le trouvast en celle place où ilz estoient, ce que le roy ne voullut accepter, de quoy grand mal luy en cuyda venir. |
62. Comment Keux le seneschal, sitost que fust entré au jardin où estoient les chevalliers, fust prins et mené à Brandelis, seigneur du chasteau, auquel il dist que le roy Arthus et Gauvain estoient leans assiz au menger. |
[109va] 62. Comment Keux, le seneschal du roy Arthus, aprés qu’il fust entré au jardin où estoient tous les chevalliers, fust prins et mené à Brandelis, qui estoit le seigneur du chasteau, auquel il dist que le roy Arthus et Gauvain estoient dedens la grand salle dudit seigneur, assis à table pour prendre leur refection. |
272
63. Comment l’enfant, filz de Gauvain et nepveu de Brandelis, fust envoyé par sa mere pour faire la paix entre les deux chevalliers, et comment il fust moult ledengé par icelluy Brandelis. |
[111vb] 63. Comment l’enfant, filz de Gauvain et nepveu de Brandelis, fust envoyé par sa mere entre lesdictz deux chevalliers pour y mettre paix, ce qu’il ne peust, mais fust par ledit Brandelis son oncle rebouté et laidangé, dont le roy Arthus et tous ses barons furent fort desplaisans. |
64. Comment la paix fust faicte entre messire Gauvain et Brandelis. |
[112va] 64. Comment la paix se feist entre messyre Gauvain et Brandelis par la supplication du roy Arthus et ses princes, et le petit enfant estant entre eulx. |
65. |
[118ra] 65. Comment le grand chevallier du Chastel Orguilleux s’en retourna à son chastel avec messire Gauvain pour s’amye consoler, et aprés s’en vindrent aux tentes pour informer le roy Arthus de la victoire de Gauvain contre led<it> chevallier. |
66. Comment le roy Arthus et le Riche Souldoier se mirent en queste pour trouver le filz de messire Gauvain, et messire Gauvain et Keux (lesquelz) vindrent vers la royne en Bretaigne. |
[119rb] 66. Comment, aprés que le roy Arthus et le Riche Souldoyer avec leur compaignie se furent mis en queste pour le petit filz de messire Gauvain trouver, missire Gauvain, Keux et Girflet s’en vindrent en la Grande Bretaigne vers la royne. |
67. Comment, aprés que le chevallier que Gauvain menoit pour parler à la royne eust esté occis, ledict Gauvain s’arma de ses armes et s’en alla au conduict du cheval. |
[121ra] 67. Comment, aprés que le chevallier que Gauvain menoit pour parler à la royne eust esté occis au conduict de Gauvain, ledit Gauvain se arma des armes dudit deffunct comme y luy avoit promis, et s’en alla au conduict du cheval dudit deffunct. |
68. Comment messire Gauvain, pour acomplir sa promesse, se mist en voye, et comment il arriva au lieu dont ledict chevallier occis estoit seigneur. |
[121vb] 68. Comment Gauvain, pour sa promesse accomplir, se myst en voye en la conduicte du cheval du chevallier occis, et comment il arriva ou lieu dont led<it> chevallier occis estoit seigneur. |
69. Comment messire Gauvain s’essaia a resoulder l’espee rompue, et comment il s’enquist au roy pourquoy la lance saignoit incessamment, ce que le roy luy declaira. |
[123ra] 69. Comment Gauvain se essaya a ressonder l’espee rompue, ce qu’i ne peult faire, et comment il s’enquist au roy pourquoy ne à quelle cause la lance seignoit incessamment, ce que le roy luy accorda. |
273
70. Comment Gauvain par son dormir faillist à sçavoir pourquoy le graal s’apparoissoit, et [aa3rb] aultres matieres. |
[123vb] 70. Comment, aprés que Gauvain pour son dormir faillist à ouyr compter au roy les causes pour lesquelles le graal s’apparoissoit, se reputoit malheureux et proposa de tant faire qu’il peust sçavoir ce à quoy il avoit failly. |
71. Comment le filz de messire Gauvain, lequel avoit esté desrobé comme avéz ouy, fust envoyé par une damoiselle tout armé sçavoir le non d’ung chevallier trespassant, lequel ledict enfant mist à mort. |
[124rb] 71. Comment le filz de Gauvain, lequel avoit esté emblé comme cy devant avéz ouy, se tenoit avec la pucelle envoysie et fust par elle envoyé tout armé et à cheval monté pour sçavoir le nom d’ung chevallier trespassant, et comment ledict chevallier fust par l’enfant mis à mort à la premiere jouste. |
72. Comment le roy Arthus de nuyct, non pouant dormir, soy pourmenant sur le rivaige de la mer, vist arriver ung challant auquel avoit ung chevallier mort de moult belle stature. |
[126ra] 72. Comment le roy Arthus en une nuict, non ayant le pouoir de dormir et reposer, se leva de son lict et alla avec deux de ses chamberlans sur le rivaige de la mer pour passer temps et se raffreschir, et comment il veist arriver pres de luy ung chalant auquel avoit ung chevallier mort richement acoustré et de la plus belle stature que le roy eust onques veu. |
73. Comment Guereschés, querant son frere Gauvain, arriva en ung moult beau chasteau garny de grandes richesses. |
[127va] 73. Comment Guereschés, querant son frere messire Gauvain, arriva en ung chasteau de merveilleuse beaulté, auquel y avoit richesses et pierreries sans nombre. |
74. Comment, aprés que Perceval eust erré par plusieurs royaulmes et contrees l’espace de cinq ans sans aucunne souvenance de Dieu, arriva devant le Chasteau du Cor, où il combatist le roy et le vainquist. |
[131rb] 74. Comment, aprés ce que Perceval eust erré et divagué par plusieurs royaulmes par l’espace de cinq ans sans qu’il eust aulchunne memoire ou souvenance de Dieu, arriva devant ung chasteau de merveilleuse beaulté, puis se combatist contre le roy et le vainquist. |
75. Comment Perceval proposa ne retourner à la court du roy Arthus qu’il n’eust esté à la court du roy Peschor sçavoir que c’estoit du graal. |
[132vb] 75. Comment Perceval, aprés qu’il eust conquis le roy du Chasteau du Cor, proposa ne retourner en court jusques à ce qu’il eust esté chez le roy Peschor pour estre informé pour quoy ne de quoy le graal servoit. |
274
76. Comment Perceval se mist en queste pour trouver le chevallier qui la teste et le brachet emportoit, en la queste duquel rencontra la pucelle qui emblé luy avoit son brachet. |
[135rb] 76. Comment Perceval le Gallois se mist en queste pour trouver le chevallier qui la teste et le brachet emportoit, en la queste duquel il rencontra la pucelle qui emblé luy avoit son brachet. |
77. Comment Perceval fust advisé du chemin qu’il debvoit tenir en la maison du roy. |
[137ra] 77. Comment Perceval, aprés avoir esté enseigné du chemin qu’il debvoit tenir pour la pucelle trouver, fust advisé du chemin par lequel pourroit parler au roy Peschor. |
78. Comment Perceval envoia Abioris, qu’il avoit conquis, prisonnier en la court du roy Arthus, lequel fust chevallier de la Table Ronde. |
[139rb] 78. Comment, aprés ce que Perceval eust conquis Abioris et l’eust envoyé se rendre prisonnier en la court du roy Arthus, où le roy le fist des chevalliers de la Table Ronde, il entra en une grande forest en laquelle il trouva dessoubz ung chesne ung chevallier mort, transpercé d’ugne lance parmy le corps, et d’ugne espee le heaulme fendu. |
79. Comment Perceval, aprés qu’il eust conquis le chevallier qui gardoit le Gué Amoureux, l’envoya prisonnier en la maison du roy Arthus. |
[142ra] 79. Comment, aprés que Perceval le Gallois eust conquis le chevallier qui gardoit le Gué Amoureulx et l’eust envoyé rendre prisonnier au roy Arthus, le chevallier s’aquitta de sa promesse et fust repceu au nombre des chevalliers de la Table Ronde, et puis Per<ce>val se mist à chevaulcher dedans les forestz où il fust asséz longtemps. |
80. Comment ceulx du chasteau de Blanchefleur s’esjouirent grandement de la venue de Perceval, et comment il jouist de sa dame. |
[144ra] 80. Comment ceulx du chasteau de Blanchefleur et l’amye de Perceval s’esjouyrent grandement de la venue de Perceval, et comment ledit Perceval jouyst de l’amour de sadicte amye. |
- Thème CLIL : 3438 -- LITTÉRATURE GÉNÉRALE -- Oeuvres classiques -- Moyen Age
- ISBN : 978-2-406-07491-5
- EAN : 9782406074915
- ISSN : 2261-0804
- DOI : 10.15122/isbn.978-2-406-07491-5.p.0271
- Éditeur : Classiques Garnier
- Mise en ligne : 19/11/2018
- Langue : Français