Privilege

Fig. 19 – Page de Titre de l’Entrée de Henri, 1549.

[ f o A1v o ] Privilege

Pour ce que par cy devant on ha imprimé et exposé en vente plusieurs Livres et Cayers de l’entrée du Roy et de la Royne faicte en leur bonne Ville de Lyon lesquelz se trouvent incorrectz, mensongiers, et erronées taisant en plusieurs endroictz ce qui ha esté faict, et d’aultres pervertissant l’ordre desdictes entrées, et abusant par ce moyen les lecteurs de fables et mensonges au grand desavantaige de ladicte Ville, et de ceux qui ont faict leur debvoir, et mesmement contrevenantz aux edictz de ne rien imprimer sans autorité de Justice et sans que l’Imprimeur y mette son nom, ce que ont teu, et par ce viendroyent punissables si les Imprimeurs desdictes entrées estoyent apprehendez. À ces causes et aultres considerations, il est defendu à tous Libraires et Imprimeurs de ne imprimer et exposer en vente lesdictes entrées sur peine de prison et amende arbitraire. Et ce à la requeste à nous faicte de la part de Guillaume Roville marchant Libraire de Lyon, et ouy sur ce, les Conseilliers et Eschevins de la Ville de Lyon, il est permis audict Roville d’imprimer ou faire imprimer les susdictes entrées, qu’il ha faict veoir et corriger par gentz à ce cognoissantz et qui ont ordonné ladicte entrée et aussi faict tailler les figures tant des Arcz que autres choses dignes de veoir reduictes au petit pied au plus pres de la verité et luy est permis d’exposer en vente sans que autre, que luy, ou ayant sa permission, puysse imprimer, ou faire imprimer soyt avec figures ou sans figures, petite ou grand marge tant en Italien que Françoys, ny en façon quelconque de deux ans à compter du jour dacté des presentes, et ce sur peine de confiscation desdictz Livres, de prison, et amende arbitraire.

Donné à Lyon le XXV. de Janvier, M.D.XLVIII1.

Du Peyrat2.