[aa3rb] 81. Comment Perceval, estant en la queste du sainct graal, par mesadventure se trouva en la maison à sa feu mere.

[147ra] 81. Comment, aprés que Perceval eust envoyé le chevallier vaincu en la prison du roy Arthus, il se mist en la Gaste Forest pour parfournir sa queste, et comment il se trouva par mescongnoissance en la maison qui fust à feu sa mere.

82. Comment Perceval, aprés avoir esté longtemps avec sa seur, print congé d’elle <et> se mist en une forest où il coucha deux nuictz.

[149va] 82. Comment, aprés que Perceval eust esté avec sa seur par l’espace de trois jours, il print congé d’elle, ce que ottroyer elle ne luy voullut ; toutesfoys il s’en partit, luy promectant la venir revoir asséz brief, et entra en une grande forest où il coucha deux nuictz sans boire ne menger avant qu’il peulst trouver hostel.

[aa3va] 83. Comment, aprés que Perceval eust conquis son brachet contre le chevallier et la teste du cerf blanc, se mist en la forest, où il trouva une damoyselle à laquelle eust plusieurs devis.

[154ra] 83. Comment, aprés que Perceval eust conquis contre le chevallier son brachet et la teste du cerf blanc, il entra en une forest en laquelle il trouva une damoiselle de souveraine beaulté laquelle il cuida arraisonner, mais elle ne voulust à luy tenir parolle.

84. La maniere et fasson d’ung pont où Perceval passa pour aller au grand tournoy que le roy Arthus tenoit à Quinprecorentin.

[158ra-b] 84. Icy est descripte la maniere et façon d’ung pont de bois par où convenoit Perceval et son hoste passer pour aller au grand tournoy lequel debvoit faire le roy Arthus à Quinprecorentin.

85. Comment, aprés que Perceval eust vaincu le tournoiment devant le Chasteau Orgueilleux, entra en une forest où il trouva ung chevallier soubz une tombe lequel il delivra.

[161rb] 85. Comment, aprés que Perceval eust vaincu le tournoyment devant le Chasteau Orguilleux, il retourna chez le chevallier Briol qui l’avoit hostellé, puis print congé de luy et de sa fille, puis entra en une grande forest en laquelle trouva ung chevallier dessoubz une tombe de marbre lequel il delivra, puys par fallace fust luy mesmes par ledict chevallier enfermé soubz ladicte tombe.

86. Comment la pucelle racompte à Perceval la maniere comment l’eschiquier et eschetz jouent seulz, et aultres matieres.

[163va] 86. Comment la pucelle racompte à Perceval la maniere et comment l’eschicquier et les eschetz jouent seulz et comment ilz luy furent donnéz par Morge la fee, seur du roy Arthus, quant elle feist son departement d’avecques ladicte Morge.

87. Comment <Perceval>, passant par une forest, trouva ung chevallier pendu lequel il delivra, dont luy sceust moult bon gre.

[164vb] 87. Comment Perceval entra en une grande forest en ensuivant le chemin que la damoiselle luy avoit enseigné, auquel trouva ung chevallier pendu à ung grand chesne, lequel il despendit ; et puys comment le chevallier le benist et remercia de tout son pouvoir.

88. Comment les compaignons de la Table Ronde se mirent en queste (question) pour trouver Perceval le Galloys et le chasteau du roy Peschor.

[168va] 88. Comment les conpaignons de la Table Ronde se misrent en queste pour trouver Perceval le Gallois et le chastel du roy Peschor pour sçavoir la signifiance des nouvelles qui estoient leans.

89. Comment Gauvain vainquist le tournoy contre le roy Arthus son oncle portant l’escu vertueulx, puis retourna avec le nain en son domicille.

[172va] 89. Comment Gauvain vainquist le tournoy contre le roy Arthus son oncle en portant l’escu vertueulx, puis, aprés le tournoy, s’en revint ledict Gauvain avec le nain en son manoir.

90. Comment messire Gauvain print congé de son oste et, chevaulchant par la forest, trouva ung chevallier durement pensif lequel, aprés plusieurs devis osta de son penser.

[173rb] 90. Comment messire Gauvain, aprés qu’il eust prins congé de son hoste, se mist à chevaulcher parmi une grande forest, dedens laquelle en chevaulchant trouva ung chevallier durement pensant, lequel y suyvit longuement avant que l’oster de son penser, car fort y estoit affiché.

91. Comment messire Gauvain trouva Guiglan son filz, auquel il demanda des nouvelles du roy Arthus, lequel luy denonça la guerre qu’il avoit contre le roy Caroas.

[175rb] 91. Comment missire Gauvain trouva Guiglain son filz estant en la forest pres de une loge, auquel il demande nouvelles du noble roy Arthus, tres vaillant et redoubté, lequel luy denonça la guerre dudit royaulme contre le roy Quaroas affin qu’il y allast pour donner aide et confort audict noble roy Arthus.

92. Comment Perceval le Galloys trouva en une forest ung enfant assiz sus ung arbre lequel interroga de son estat, auquel l’enfant ne voulust respondre.

[176vb] 92. Comment Perceval, aprés qu’il eust despendu et delivré Bagomadés de l’arbre auquel il estoit pendu par les piedz, se mist avant en la forest, où il trouva de cas d’adventure ung enfant assis sur une haulte branche d’ung arbre, lequel il interroga dont il estoit et quel estoit son nom et plusieurs aultres demandes auxquelles ne voulut l’enfant en nulle maniere respondre.

93. Comment Perceval parvint au chasteau du roy Peschor, où il le trouva, lequel, aprés avoir veu le graal porter leans par la salle par une pucelle, demanda au roy la signifian[aa3vb]ce dudict graal et de la lance.

[180ra] 93. Comment Perceval, aprés avoir exploicté grand chemin, apperceust le chasteau au roy Peschor et leans entra, là où il trouva le roy Peschor ; et, aprés avoir repeu et veu aller par la salle le graal porté par une pucelle et la lance rendant le sang, luy demanda la signifiance.