Privilege du Roy.

LOVIS par la grace de Dieu Roy de France & de Nauarre. A nos Amez & feaux Conseillers, les Gens tenans nos Cours de Parlemens de Paris, Thoulouze, Bordeaux, Dijon, Aix, Grenoble, & Bretagne, Baillifs, Preuosts, Seneschaux desdits lieux, Lyon, Poictiers, Orleans, Bourges, & Champagne, & à tous nos autres Iusticiers, Officiers, ou leurs Lieutenans qu’il appartiendra, Salut. Nos chers & bien amez Iean Caffin & François Plaignard, Marchands Libraires de nostre ville de Lyon, nous ont fait remonstrer qu’ils ont recouuert vn Liure, intitulé, Les Evenemens Singuliers de L’Euesque de Belley, diuisé en quatre parties, composé par ledit Sieur, veu &[2]leu par Me Iean Seraud Docteur en Theologie, comme appert par son attestation du dix-neufiesme Iuillet mil six cens vingt huict cy attachee. Lequel Liure les Exposans desireroient faire imprimer, s’il nous plaisoit leur octroyer nos lettres à ce necessaires. A ces causes desirans les fauorablement traitter, leur auons permis & accordé par ces presentes imprimer ou faire imprimer iceluy Liure en telle marque & characteres qu’ils voudront pendant le temps de six ans. Faisant defenses à tous autres Imprimeurs & Librairies estrangers, ou autres personnes de quelque qualité & condition que ce soient, de l’imprimer ou faire imprimer sous fausse marque & charactere que ce soit, sans le consentement desdits Exposans, à peine de confiscation des exemplaires, & d’amende arbitraire. Si vous mandons [3] que du contenu au present Priuilege vous faciez iouïr & vser lesdits Exposans pleinement & paisiblement, sans souffrir qu’ils soient troublez ny empeschez. A la charge qu’ils seront tenus en mettre deux exemplaires en nostre Bibliotheque publique, à peine d’estre descheus du present Priuilege. Car tel est